Қайрат Нұртасты Қазақстанға белгілі әнші ретінде қалыптастырған анасы Гүлзира Айдарбекованың арқасы. Ешқашан да анасының сөзіне қарсы шығып көрмеген Қайраттың осы жолы анасымен ойы бір жақтан шыққан жоқ.
Мұнысына себеп — Қайраттың төрт баласы. Өнердің ащысы мен тұщысын басынан өткерген Қайрат өз балаларын шоу бизнес әлеміне жақындатқысы жоқ. Қазірден бастап кішкентайларды оқуға баулып, ең деген мектептерде білім алдыртып жатыр. Ал, фортопиано, би және тағысын тағы өнер сабақтары ол жәй ғана хобби ретінде ғана қалады дейді төрт баланың әкесі.
Алайда, әжелерінің бұл тарапта көз қарасы басқа екен. Гүлзира Айдарбекова немерелерін өнер жолында көргісі келеді. Бірақ, осы жайтта кімнің ойы дұрыс, не бұрыс екендігін уақыт көрсетер.
